Чэ, кытаат, Анна Михайловна!

     Эн отуттан тахса сыл дьаныардаах үлэн түмүгэр Социалистическай Үлэ Геройун аатын сүгэр үрдүк чиэстэммит, үөрүүлээх күҥҥунэн ис - сүрэхпиттэн истиҥник эҕэрдэлиирбин көҥүллээ!

     Былыргы кыргыс үйэтинээҕи Бөрө Бөтүҥнэр номоххо киирбит Тиэтэйбит Боотурдарын, Лөглү Бөҕөлөрүн тустарынан сэһэннэри истэн, Бөтүҥнэр ол хараҥа үйэҕэ эстэ сыһан баран кыл тыыннара эрэ ордон хаалбыт аҕа ууһун курдук саныырым. Нууччалар государстволарыгар холбоспотохпут эбитэ буоллар, сахалар барыбыт даҕаны эстиэхтээх этибит. Кыргыс үйэтин ууратан, эйэ дэмнээх олоҕу аҕалан, Социалистическай Өрөбүлүүссүйэҕэ тиэрдибит улуу убай омукпут, кини рабочай кылааһа уонна Ленинскэй партията буолаллар. Гражданскай сэрии сылларыгар Бөтүҥнэр Байанай Сэмэн, Куурай Тихонов курдук кыһыл геройдары, Роман Петров, Петр Артемьев уо.д.а. курдук албан ааттаах кыһыл партизаннары биэрбиттэрэ.

     Аҕа дойдуну көмүскүүр сылларыгар, эһиги аан бастаан охсуһуу хонуутугар барбыттары солбуйан, актыыбынай общественнай үлэҕэ тахсыыгытыгар Бөтүҥҥэ Ильич сырдык лаампата чаҕылыйбыта.

     Ол кэмтэн ылата эн тэппит атаххын кубулуппакка төрөөбүт нэһилиэгин сэбиэтин салайан кэлбиккиттэн олус үөрэбин, сүгүрүйэбин. Нэһилиэгин туох баар үтүө үгэстэрин утумнаахтык салҕаабыккыттан долгуйан туран махтанабын. Аныгы Бөтүҥнэр албан ааттаах Геройдара буолан, төрөөбүт дойдугар эрэ буолбакка, бүтүн Саха сирин үрдүнэн үрдүк холобуру көрдөрөр үтүө үлэһит буола үүммүккүнэн киэн туттабын. Бары биир дойдулаахтарым үөрүүлэрин үллэстэбин.

     Чэ, кытаат, Анна Михайловна, инникитин даҕаны, бэйэн дьоннорун, норуотун уонна партиян тустарыгар, XIV съезд уураахтарын олоххо киллэриигэ бары күүскүн уонна киэҥ уоппуккун, баай дьоҕургун харыстаама! Ис сүрэхтэн баҕарабын эйиэхэ үлэҕэр үрдүк ситиһиини, үтүө доруобуйаны, тус олоххор дьолу-соргуну.

В.Н. Чемезов,

САССР наукаларын үтүөлээх деятелэ,

 историческай наука кандидата, 1971 сыл, Дьокуускай